របៀបធ្វើសម្លរកកូរត្រីស្រែ៖ បែបបុរាណឆ្ងាញ់ សំបូរទៅដោយបន្លែធម្មជាតិ

សម្លរកកូរគឺជាម្ហូបខ្មែរបុរាណដ៏ពេញនិយមមួយមុខ ដែលមានរសជាតិឆ្ងាញ់ និងពោរពេញទៅដោយគ្រឿងផ្សំស្រស់ៗជាច្រើនមុខ។ វាជាម្ហូបដ៏ល្អសម្រាប់សុខភាព និងផ្តល់អត្ថប្រយោជន៌ច្រើនដល់រាងកាយ។

គ្រឿងផ្សំ

• ត្រីស្រែ ២០០-៣០០ក្រាម (ត្រីផ្ទួក, ត្រីកញ្ចុះ ឬ ត្រីច្រវ៉ា)
• ប្រហុកចិញ្រ្ចាំ ៣-៤កន្ទុយ (ស្រេចចិត្ត)
• គ្រឿងស្លរកកូរបុកម៉ត់ ២ ស្លាបព្រាបាយ
• អង្ករលីង ៥ ស្លាបព្រាបាយ - ចង់ខាប់ដាក់ថែមបាន
• ស្លឹកក្រូចសើច ៣-៤ - ហាន់ស្តើងៗ
• ទឹកត្រី ១ ស្លាបព្រាកាហ្វេ
• ម្រេច ១ ស្លាបព្រាកាហ្វេ
• ស្ករ ប៊ីចេង​ និងអំបិល - បន្ទិចកាមការណែនាំរបស់ពេទ្យ
• បន្លែកកូរ
• ស្លឹកបាស ស្លឹកម្រំ ឬស្លឹកម្រះ
• ត្រប់ពុតលំញោង
• ខ្ទិះដូង (មិនដាក់ក៏បាន)

វិធីធ្វើ

1. បន្លែ និងសាច់ត្រូវលាងអោយស្អាតរួចទុកមួយឡែកសិន
2. ចាក់គ្រឿងបុកចូល ឆា ឆាអោយឈ្ងុយហើយដាក់ប្រហុកចូលម្តង បន្តរកូរអោយសព្វហើយមានក្លិនឈ្ងុយ
3. ដាក់ត្រប់ពុតលំញោងលីងជាមួយគ្រឿងអោយហើយ ដើម្បីកុំអោយវាល្វីងខ្លាំងពេក
4. ចាក់ត្រីចូល​ រួចកូរបន្ទិចអោយគ្រឿងនឹងត្រីចូលគ្នាសព្វ
5. ដាក់គ្រឿងផ្សំចូល មានដូចជា អំបិល ស្ករ ទឹកត្រី
6. ដាក់ទឹកចូលបន្ទិច រួចទុកអោយត្រីជិតឆ្អិន
7. ពេលឆ្អឹងត្រីជិតឆ្អិនហើយ យើងត្រូវដាក់បន្លែរឹងចូលមុន ចំណែកបន្លែស្លឹកទុកដាក់ក្រោយគេ
8. បន្ទាប់មកដាក់អង្ករលីង កូរច្របល់ចូលគ្នាអោយសព្វ ទើបដាក់ទឹកចូលហើយគ្របវាទុកអោយពុះ
9. ចុងក្រោយដាក់ខ្ទិះដូងចូលជាមួយនឹងបន្លែស្លឹក
10. កុំភ្លេចភ្លក្សរសជាតិម្តងទៀតផង ក្រែងត្រូវបន្ថែមគ្រឿង

ព័ត៌មានអាហារូបត្ថម្ភ (ប្រហែលក្នុង ១ ចាន)

វីដេអូរបៀបធ្វើ

សូមរីករាយជាមួយនឹងម្ហូបខ្មែរបុរាណដ៏ស្រស់ និងមានអត្ថប្រយោជន៍សម្រាប់សុខភាព!